يعني ايه يوم الارض ؟
يعني يكون عندك قطعة بجنب الدار
تفلحها ,تزعها فجل وبندورة وخيار
ويكون عندك أكم فدان,بأرض جدعان وارثها من جد جد .. جدك كنعان
مزروعه زتون وتين ورمان, حصه أخوك عدنان
ويجي الخواجا ويستعطف قلبك, ويقولك يا ابن العم , الدم الدم ؟
وانتي يا مسكين تعطيه حصه من ارضك ,وبتقول حرام مسكين !!
ما هي الارض واسعه وبعيده وبالاخر خراجها برجع الي ,يا ويلي عليك يا هبيله ,ومش فاهم شو الدم الدم.
ويطلع للخواجا ابن العم ولاد عم , وولاد ولاد عم ,وولاد ولاد ...... جايين من بلاد
ويقولك :الارض ضاقت وما عادت توسع, هات أفلحلك أرضك وأرض أخوك عدنان ما هو بلبنان .. مش حرام ؟؟
وبتقول لمرتك حسنه أما ابن العم هاذا شغيل وجدع وعرف انو أخوي بلبنان ففلحلو أرضو وأرض الجيران ...
لي هو اخوك راح علبنان سياحه مثلا ؟,عجبي عليك.
وبيوم يشوفك بكرمك ,ويصرخ ابنو المعتوه ويقولك ,أطلع من زرعنا أحسنلك
بتقولو انهرلي على ابوك ولا,وقولو ابن عمك جاي يسألك عن الزرع والمحصول
ويقولك أبوي مش فضيلك نزل على تل الربيع ومش راجع والحكي معي ,شو بتقول ؟
كنها ما وصلتك الوثيقة من المتصرف كنج ؟
وترجع وتقعد ببيتك ,وتشوفك الحجه ام عطا وتقولك ويلي عليك , الله لي خلق إيديك ؟ مش عاشان تزرع ؟ ما عاد ارض لديك
مش عاشان تعمل ؟ ما عاد شغل لديك !!
شو يبني مفكر الله خلق ايديك حتى تسوي فيهن شاربيك,لك أوم ,,رحم الله والديك
وقامت خديجة ورجا وخضر,ومحسن ورأفت وخير ,, وكثيــــر من ولاد الخير
ونادوا وينك يا ابن العم
الدم الدم ,, الدم الدم
